المساعد الشخصي الرقمي

مشاهدة النسخة كاملة : ليت الزمن يرجع بنا للطفوله..

الزمن علمني الصبر
03-18-2009, 07:47 AM
علمي بهـا بأيـام سـن الطفولـه
عهد البرائه والغلا بيـن الاطفـال

نلعب ونمـرح وانتلاقـا بسهولـه
نتبادل الضحكه على كـل الأشكـال

لـو اتأخـر يـوم جتنـي ذهولـه
يسوقها لـي الغـلا دون مرسـال

حتى منامي بعض الأحيـان حولـه
متعودٍ معها على الضحـك وجـدال

بالليـل اخوّفهـا ولاهـي زعولـه
تقول مانـي خايفـه وانـت حيـال

لاقلت جاك الذيـب جتنـي جفولـه
وليا اشبكتني قلت ياعمـري ظـلال

وكم مرةٍ قلـت ادرسـي ياكسولـه
تضحك وتعفشني تقول انت محتـال

ماني سواتـك وتحسبنـي مهبولـه
شطّوره ولابي مثل غيـري هبـال

وكـم مـرّةٍ مثّلـت دور البطولـه
افزعلها واسوّي سـوات الأبطـال

كل ماأشتكت من طفل زوّد فضولـه
ابهدلـه واعطيـه كـفٍ ليـاعـال

كبرت وصارت نور عيني خجولـه
واصبح وجودي حولها يسبب اشكال

قالت تضل النفـس يمّـك ميولـه
واشفق لشوفك يابعـد كـل الأزوال

والله مانـي مـن وجـودك ملولـه
لكن بلاي بعينهـم صـرت رجـال

زولك طويل وصعب حولـي قبولـه
ومرات اشوفك تلبس شماغ وعقال

ترى الأهل راحو لبـوك وشكولـه
وادري المفارق بيننا فيـه غربـال

والله مهمـا حاولـو أو حكـولـه
تبقى الحبيب اللي له القلـب ميّـال

ياما منعني والـدي عـن وصولـه
وياما على ضهري عطاني من عقال

قال الغلا له حد واعـرف اصولـه
واللي مثل سنّك يصيـرون عقّـال

مايدري ان العقـل صعـبٍ حلولـه
واجسامنا تنبض بها قلـوب جهّـال

وشفيـك يادنيـا مشيتـي عجولـه
كم ضاع بأسبابـك أمانـي وآمـال

من بعد ماكنت انتظر شوف زولـه
قامت تبكينـي صورهـا والأطـلال

الروح صـارت بالفـراق معلولـه
وصار الغلا لصويحبي حب بهبـال

ياحظ منهـو فـي حياتـه ينولـه
ملاك بعيوني علـى الأرض تختـال

جاهـا حظيـظٍ غيـري ووافقولـه
وتحطمـت بقلوبنـا كـل الآمــال

راحت بعيد وصـارت بغيـر دولـه
لكـن غلاهـا بالحشـا حـي لازل

ماطاع قلبي فـي غلاهـا عذولـه
ولايمكن انساها ولا أطيـع عـذال

ليت الزمن يرجـع بنـا للطفولـه
وابقى طفل . ماودّي اصير رجال

اكلمات اعجبتني ونقلتها من كل قلبي اتمنى تنال اعجابكم يانور المنتدى:in_love:
أم حبيبة
03-19-2009, 01:40 AM
مايدري ان العقـل صعـبٍ حلولـه
واجسامنا تنبض بها قلـوب جهّـال

وشفيـك يادنيـا مشيتـي عجولـه
كم ضاع بأسبابـك أمانـي وآمـال

من بعد ماكنت انتظر شوف زولـه
قامت تبكينـي صورهـا والأطـلال

الروح صـارت بالفـراق معلولـه
وصار الغلا لصويحبي حب بهبـال

كلمات راااااااااااااائعة أختى الزمن علمنى الصبر
مشكورة على النقل الطيب حبيبتى:0041:
حنين الماضي
03-19-2009, 05:11 PM
مشكووووووووووه كلمات مره رووووووعه

لكنها ماتلاحظين معي انها غزل

تقبلي مروري دمتي بود
وردة الجوري
03-19-2009, 09:05 PM
http://qasralkhair.com/up/uploads/1aba5b3a12.gif
الراقيـــه
03-19-2009, 09:52 PM
رووووووووووووووووووووووعه ..

الله يعطيك العافيه

بجد ليت الطفوله تعوود ..
الوردة البيضاء
03-20-2009, 12:36 AM
اشي بجنن الله يعطيكي العافية
شـكــ وبارك الله فيك ـــرا لك ... لك مني أجمل تحية . كيف حالك إن شاء الله دائما بخير ؟ :0041:
الوردة البيضاء
03-20-2009, 12:39 AM
لا يوجد ما هو أجمل من الطفوله و البرائة و العفويه لاأن الطفوله هي الشئ الأول و البداية لكل انسان فينا و منها يتم تعليم الطفل حتى ينجز في شبابه وحتى تزدهر الأمة
:emot53::0041:
الدرة المصونة
03-20-2009, 12:14 PM
مشكورة ربي يبارك فيك

يعطيك العافيه يارب
الزمن علمني الصبر
03-21-2009, 07:35 AM
تسلمون على الردود حبايبي الله يخليكم ويسعدكم والله نورتو صفحتي بردودكم:)ويسلمو ياالورده البيضاء على سؤالك ربي يخليك..
وحبيت اعتذر منك يا بنت الاقصى لو الموضوع ضايقك عشان الغزل ومشكوره على تنبيهك جزاك الله بالجنه:)